لكم ياناس من دنياي عبره،،
قبل ماتسكب العين العباير،،
ولاظني بزود العمر خبره،،
يكود انك على دنياك ساير،،
وانا جلت الزمن صفْوه وغبره،،
تعاقب بي مثل رسم الدواير،،
ولا صمّدت غير الحزن نبره،،
تجدد ما مضى لي من خساير،،
قصيدٍ ينكتب والدّم حبره،،
يضخه قلب بالشريان فاير،،
خفوقٍ ضايقٍ من طول صبره،،
على جرحٍ بوسط الروح غاير،،
خبرتوا لي بوسط القش ابره؟،،
تبعت آثارها وامسيت حاير،،
طريقٍ طال بي ماضي لقبره،،
ولا حاش الخفوق ألا حساير،،
صبرت ولا لقيت الصبر دبره،،
وانا طبي كمالاحلام طاير،،
اخايل بارقه مع كل سبره،،
واسوق الروح له وألقاه باير،،
طموحي كم تكسر دون جبره!!،،
ولا زال الهوى بالجوف ثاير،،
عيوني تنثر لذكراه عبره،،
واسافر عن جميع الناس ناير،،
ليست هناك تعليقات:
إرسال تعليق