يالغاليه ماعاد للّقيا حلول،،
اتعبت نفسي وانتي اتعبتي نفوس،،
كلْمابغيت الهم عن قلبي يزول،،
ألقاه في جوفي يدوس القلب دوس،،
الدمع مايطفي الحنايا بالهطول!!،،
نارٍ تحوس الخافق اللي فيه حوس،،
والعمر اخاف انه على حاله يطول،،
واصبح انا ميدان معركة البسوس،،
سقت القدم في دنيتي عرضٍ وطول،،
لكن هجوسي في لياليك محبوس،،
دنيا تلاعب في مفاهيم العقول،،
وانا من اللي شفت متعلم دروس،،
يالغاليه فدوا عيونك كل زول،،
مدري متى بافرح بشوفتكي عروس؟؟،،
ليست هناك تعليقات:
إرسال تعليق