نعم نعم باسم الغلا تزهر اغصان،،
لكن هبوب الوقت لابد تذريه،،
واللي قدر ينشيه من قبل ماكان!!،،
قادر غلاه اليوم لاشك يحييه،،
والشوق للعشاق يابنت فنجان،،
القرب موت الشوق والبعد يشذيه،،
دار المنادي دار في كل الاوطان،،
ولا شاف للعشاق فالعشق ترفيه!!،،
نفرح اذا شفنا هوى البال فرحان،،
وان ضاق ضاقت بالخلاوي صحاريه،،
هذي الطبيعة بين تفريح واحزان،،
طريقنا منهو عرف ويش تاليه؟؟،،
يابنت ليت الرد يكفيه ديوان،،
واكتب ألين القلب يظهر خوافيه،،
بغيت انا حرفين ينطق بها لسان،،
عشان اميز خاطر اللي احاكيه،،
اما هلا بك يالغلا قولي الآن،،
ولا فمان الله من غير تشريه،،
ليست هناك تعليقات:
إرسال تعليق