الله من قلبٍ يجر التناهيد
وأيامنا بافراحها تستهلّي
من حولي افراح الفطر والزغاريد
وأنا هواجيسي بتذكار خلّي
فاقد شعوري وأدرج الرجل بالبيد
يالايمي ليتك تصير ابمحلّي
واللي خلقني مابكيت المقاريد
ولا الرفيق اللي عن الحق زلّي
لا والله ألا باكيٍ سيّد الغيد
مزيونةٍ في كلّ دقٍ وجلّي
نسل الوفا بنت الكرام الجلاميد
اللي لصعبات المصايب تحلّي
ياكم لهم في مامضى من شواهيد
مسكانهم فوق النوايف مطلّي
ريميةٍ تحفظ سلوم التقاليد
سلمٍ حميدٍ مايشوبه مخلّي
مارافقت بنتٍ تصف المواعيد
في دارها تتلو الكتاب وتصلّي
وش عاد باقي لي من الوصف وآزيد
خير الكلام اللي قليله يدلّي
لقياك ياخلّي مع الناس لي عيد
ماهو بلحظات المرح والتسلّي
اسري بليلي وارفع الصوت ترديد
عسى الليال اللي سراً يرجعٍ لي
ليست هناك تعليقات:
إرسال تعليق