الليل يسبق في مساره نهاره
والوقت لابدّه يسوق التباشير
وياخوك وقف واستمع للعباره
تقرير عن سكان قريه مدابير
قريه وكانوا يدّعون الحضاره
واصبح كما قالوا بتقريرهم غير
قومٍ تلاعب في صغاره كباره
يغرونهم بالمقبلات المباكير
يدقون طبل افراحهم والبشاره
ويخفون سمّ اطماعهم قاعة البير
يخفون مايبغون خلف الستاره
والله يعلم كيدهم والتدابير
كذا الموت يدني دون علم واشاره
يغرّ النفوس الجاهله بالمقادير
يسوق جيشه كل ساعه بغاره
ولا يسري الا كل ربعه مقابير
سلام يارمز البلد ياكباره
سلام واللي صار لابد مايصير
حتى ولو نسكن براس المناره
لابد ماتعصف علينا المعاصير
بامر الولي ماهو من امر الاماره
يجعلها مبدا ومنشا وتبرير
مأرب قد انهارت من اسباب فاره
وانا اشوف فيران البشر صارت كثير
وياخوفي ان الفار يمسك وزاره
ونصير من ضمن الرجال المخاسير
الفار ساكن قصر عنده خفاره
يملا المخابي بالذهب والدنانير
بعض البشر صارت علينا خساره
والكارثه ما عاد فيها معاذير
والحاكم اللي في يساره سطاره
يضرب بسيفه فوق روس المساعير
ولا تراها تنقدح من شراره
نارٍ تهدّ اللي بنا سالم الزير
ليست هناك تعليقات:
إرسال تعليق